في سنة 1826 كنت في الجيش العثماني الجزائري و كان اسمي انذاك = ياجورا المتوحش= و كنت على علاقة بفتاة عثمانية نصفها تركي و نصفها الاخر جزائري حيث كانت فتاتي خليط بين مسلسل = عائلة كي الناس= و مسلسل = لميس= و كانت فتاتي تحمل جمال تركي بعقلية جزائرية و في سنة 1827 شاركت في معركة نافارين رفقة خير الدين بربروس و عروج و قد كنت على متن باخرة =طارق بن زياد= خشبية الصنع ..و لكن و في البحر الابيض المتوسط انهزمنا و تحطم نصف الاسطول و عدت في زودياك الى لابيشري بباب الواد...بقي الحال على ما هو عليه لمدة ثلاث سنوات و كنت =arret de travaille= بسبب الروماتيزم و حينها فتحت محل لبيع الخفاف و المطلوع العثماني بنكهة = مهند= في شارع ديدوش حاليا = الباشا تشكتشوك= في الماضي ...و في الخامس من شهر جويلية سنة 1830 كنت في بحر سيدي فرج رفقة حبيبتي ناكل البيتزا تحت باراصول بيبسي و مفرشين زوج سرابت تاع ريال مدريد..و اذا بي ارى في الافق كورتاج تاع بوابر داخلين ..فجبدت نظارتي من نوع = لي جومال جيورجيو ارماني= و دققت النظر فرايت علم فرنسا ...بدات اصيح و قلت لحبيبتي هاكي 20 ميل و احكمي كلونديستان للدار اما انا فدخلت اقرب حانوت تاع فليكسي و ستروميت 100 دج في لابوس =عثمانوس= انذاك هو المتعامل الوحيد و كانت اشهارات المتعامل النقال =عثمانوس = كالاتي= عثمانوس ..و الكل يتكلم من اجل الرجل المريض= و الرجل المريض الدولة العثمانية كما يلقبها الاوربيين انذاك...هاتفت قصر الداي في العاصمة فاجابت السكرتيرة الخاصة بالداي حسين الانسة = لبنة بنت الاغا حميدة= فقت لها جوزيلي الداي حسين اكتيفي ...فقالت لي = الداي حسين ..راح للوساندي عند نسيبتو في سيتي عميروش...فقلت لها ابعتيلو ميساج قوليلو فرنسا ..فرنسا راهم زادمين على سيدي فرج راهم طاشمة ..و بعدها عيط لي بربروس و قال لي = ياجورا واش هاد لخبر؟ سمعتو هذا وين في اذاعة عثمان اف ام= قتلو يا خيرو = اي خير الدين بربروس= اسمع جيب ولاد حومة و اطلع لسيدي فرج ...و بالكاد اكملت مكالمتي حتى قارا الفرنسيون بوابرهم و هبط القائد الفرنسي ديبيرمون من باخرة اسمها France 2 و قال لي = اي توا توفي كوا لا= فقلت له = جوميكسكوز ميسيو مي توا كي في كوا لا= فقال = اوني لا بوغ اطاكي لالجيغي= فقلت له اغنية معروفة= لالجيغي اي طومبي اون ايسكلافاج دو رمون اي سون فيزاج اي جي لوي دي ا خيرو اومان موا= فكتفوني و اخذوني و في الطريق..........يتبع